www.mulkum.az - ev alqı satqısı, kirayə evlər
Son Xəbərlər
İstanbulda baş vermiş vertolyot qəzasında 7 nəfər həlak olub
10 Mart 2017 15:52

Oxunub: 153



İstanbulun Beylikdüzü rayonunda qəzaya uğrayan “Əczacıbaşı” Şirkətlər Qrupuna məxsus “Sikorsky S-76” tipli vertolyotda olan 7 nəfərin heç bir sağ qalmayıb.

Bu barədə Türkiyənin NTV telekanalı məlumat yayıb.

Vertolyotda iki pilot və 5 sərnişin olub. Artıq sərnişinlərin kimliyi açıqlanıb.

Bunlar “Eczacıbaşı Vitra”nın Rusiya üzrə direktoru Salim Özen, Rusiya vətəndaşları Aleksandır Vanin, İgor Koçergin, Lyudmila Çurova və Yelena Badraqadır.

*   *   *13:35

İstanbulun Beylikdüzü rayonunda qəzaya uğrayan “Əczacıbaşı” Şirkətlər Qrupuna məxsus vertolyotda 4 Rusiya vətəndaşı olub. Bu barədə Türkiyənin NTV telekanalı şirkətə istinadən məlumat yayıb.

Ümumilikdə, helikopterdə 2 pilot, 4 Rusiya vətəndaşı və “Eczacıbaşı” Şirkətlər Qrupunun 1 əməkdaşı olub.

*   *   *13:21

İstanbulda baş vermiş vertolyot qəzasında 5 nəfər həlak olub.

Virtualaz.org “Habertürk”ə istinadən məlumat verir ki, hadisə yerində yanğınsöndürənlər işləyir.

Pilotun və sərnişinlərin axtarışları davam edir.

*   *   *12:49

İstanbulda vertolyot qəzası baş verib.

Virtualaz.org “Hürriyet”ə istinadən xəbər verir ki, hələlik qəza nəticəsində ölən və yaralananlar barədə məlumat yoxdur.

Hazırda hadisə yerinə təcili xidmətlərin nümayəndələri göndərilib.

Hadisənin baş vermə səbəbləri araşdırılır.

Politico.az



Oxşar xəbərlər

Top 10
ARXIV